Maithil Vikas Pratishthan

Facebook Youtube Instagram Linkedin
  • info@maithilvp.com
  • 9820025124
Donation Now
Maithil Vikas Pratishthan
Chairman Message
अध्यक्ष संदेश
सम्मानित सदस्य।
मैथिल विकास प्रतिष्ठान के पांचम वार्षिक आमसभा मे अपने सभ सदस्य के स्वागत करैत छी आओर शुभकामना के संग हार्दिक बधाई दैत छी ।
हम अहि प्रतिष्ठित संस्था मैथिल विकास प्रतिष्ठान के दोसर अध्यक्ष के रूप में अहा सभ गोटे के बीच अपन विचार रखैत अत्यंत प्रसन्नता भ रहल अछि । हमरा पर विश्वास और भरोसा करबाक लेल हृदय पुर्वक आभार वयक्त करैत छी। ई जिमेदारी एमवीपी के ऊंचाई पर ल जाय लेल कठिन कर्तव्य के संग अवैत अछि । देश अमृत काल मना रहल अछि, आउर एमवीपी वर्ष 2023- 2024 के अमृत वर्ष के रूप में मनाव लेल हम अहाँ सभ गोटे स आवाहन क रहल छी ।
अहि पांच वर्ष में संस्था के मजबूत नींव परल आओर अवयवाला वर्ष में देश के श्रेष्ठ संस्था के रूप मे स्थापित करबाक मार्ग तैयार भ रहल अछि । हम सभ बहुत रास सपना देखि क एमवीपी बनेलऊ । सपना साकार होईत देखि मन भाव विभोर अछि।

Dr APJ Abdul Kalam the beloved former president of India once remarked “dream dream dream . Dreams transform into thoughts and thoughts result into action”.

मिथिला – भवन के भूमि पूजन एवं शिलान्यास अविस्मरणीय उपलब्धि
मैथिल समाज द्वारा देखल जा रहल सपना 11 जून 2023 कें मिथिला भवन के भूमि पूजन एवं शिलान्यास के रूप मे कार्य आरंभ सॅ पूरा भेल ।
जखन मिथिला संस्कृति के आचार्य पंडित श्री गौरीकान्त झा आ भूमि पूजन के यजमान डॉक्टर श्री मोहन झा द्वारा पूजनोत्सव कार्यक्रम में मंत्रोच्चार के संग आरंभ केलाह आओर माॅं जानकी के जयघोष से भूमि पूजन भेल, तखन पूरा वातावरण मिथिलामय भऽ गेल। समस्त कोर टीम मिथिला के परिधान में मनमोहक लगैत छल l भूमि पूजन स्थल सॅ कार्यक्रम स्थल तक हजारों मैथिल अहि कार्यक्रम के साक्षी बनलाह।
अतिथि के स्वागत मिथिला परंपरा के अनुसार शाॅल, पाग, मिथिला पेंटिंग , मोमेंटो आ पुष्प गुच्छ सॅ कयल गेल ।
ई महोत्सव में समस्त मिथिला समाजक समर्थन, सहयोग आ आशीर्वाद सॅ अद्भुत एवं ऐतिहासिक रूप सॅ सफल भेल । एहि श्रेष्ठ आओर उत्कृष्ट कार्य लेल “मैथिल विकास प्रतिष्ठान” देश के आदर्श सामाजिक संगठन के रूप में स्थापित भऽ गेल ।
अहि मे विशेष सहयोग लेल सभ संस्थापक सदस्य, सभ कोर कमेटी सदस्य, समस्त मैथिल समाज, जननेता, मैथिल मित्र, एवं दूर दृष्टि रखवाला विकास पुरुष माननीय विधायक श्री प्रताप सरनाईक जी जिनकर भगीरथ – प्रयास सॅ मैथिल समाज के सपना साकार भेल l अहि पुनीत अवसर पर मुख्य अतिथि के रूप में आयल मिथिला के लोकप्रिय नेता एवं केंद्रीय मंत्री श्री अश्विनी चौबे जी, मां जानकी मिथिला के धरती पुत्र और सर्वमान्य नेता बिहार विधान सभा के सभापति श्री देवेशचंद्र ठाकुर जी, पूर्व नगरसेवक श्री विक्रम प्रताप सिंह जी, श्री राजू भोईर जी , मीरा भायंदर महानगरपालिका के सभ पदाधिकारी, थाने जिला के पदाधिकारी, मीरा भायंदर प्रशासन, मिथिलाक बेटी आ सुप्रसिद्ध लोक गायिका मैथिली ठाकुर, पार्श्वगायक मनोरंजन झा, मैथिल समाज, प्रिंट मीडिया के पत्रकार , युटुब चैनल के रिपोर्टर कार्यक्रम में शामिल प्रत्येक व्यक्ति के प्रति मैथिल विकास प्रतिष्ठान धन्यवाद के संग आभार व्यक्त करैत अछि ।
श्रीमती रूबी झा और शिखा मिश्र जी द्वारा मैथिला भवन शंखनाद और मिथिला भवन भूमि पूजन कार्यक्रम लेल मिथिला पेंटिंग स सजन पाग , शाल और मिथिला पेंटिंग के योगदान लेल हृदय पूर्वक अभिनंदन और आभार व्यक्त करैत छी ।
मिथिला भवन आरक्षण क्रमांक 320A पर लगभग 2000 स्क्वायर फीट मे बनत और एक वर्ष के अंदर में मैथिल समाज के उपयोग में आयत । मिथिला भवन के लोकार्पण सॅ पहिने मिथिलांचलक पहचान मधुबनी पेंटिंग सॅ सजाओल जायत, जकर अनुमोदन लेल माननीय विधायक श्री प्रताप सुरनाईक जी सॅ आग्रह कऽ रहल छी ।
निश्चित रूप सॅ मिथिला भवन सॅ मैथिल समाजक मान – सम्मान के साथ – साथ स्वाभिमान महाराष्ट्र के प्रगतिशील धरती कर्मभूमि पर भेटत l
मिथिला संस्कृति के संरक्षण आ संवर्धन लेल “मिथिला भवन” मील के पत्थर साबित होईत ।
मैथिल विकास प्रतिष्ठान के लोगो के टैग लाइन छैक
“हमर सभहक आस, समग्र विकास” “मैथिलक अरमान मिथिला भवनक निर्माण” “अप्पन सपना अप्पन भवन”
एक मात्र मिथिला भवन के निर्माण भेला सॅ सभ समाजिक आ धर्मादाय काज आसान भऽ जायत l
हम बहुत खुश छी जे सात वर्ष सॅ सामाजिक जीवन में मान -यश भेटल आओर चर्चा मे रहि कय प्रतिष्ठानक लक्ष्य पूरा कर लेल पूर्ण समर्पणक संग समान विचार वाला कर्मठ सदस्य के संग लागल छलौं l 7 वर्ष के बाद सपना साकार भऽ रहल अछि l सामाजिक जीवन आंशिक रूप स सफल भेल l ई सभ किछु अहां सभ गोटे के प्रतिष्ठान के प्रति विश्वास और सहयोगक संग सदिखन मनोबल के बढ़बैत रहलौं ।
मैथिल विकास प्रतिष्ठान सफलता के सीढ़ी चढनाय शुरू केलक , जकर मुख्य कारण बेहतर कार्य प्रणाली रहल l
एमवीपी के कार्यशैली
निश्चित रूप सॅ सामाजिक एवं धर्मादाय कार्य मे एमवीपी उच्च मापदंड स्थापित केलक l अहि सफलता के लेल निरंतर दूरदर्शी सोच संग पारदर्शिता पूर्वक नीचा देल विंदू पर कार्य भऽ रहल अछि l
1. मिथिला संस्कृति केर संरक्षण आ संवर्धन l
संस्था के स्थापना के समय सॅ निरन्तर मिथिला संस्कृति के संरक्षण आ संवर्धन लेल काज करैत अछि l मिथिला संस्कार आ परंपरा के तोड़ वला व्यक्ति के समर्थन नई करवा के निर्णय लेलक आओर ओहि पर अडिग अछि l सांस्कृतिक कार्यक्रम में मिथिला संस्कार , मिथिला संस्कृति के झलक भरपूर भेटैत अछि ! मां जानकीक कृपा आ बाबा विद्यापति के स्मरण करैत मैथिल के पहचान, चांगेरा, पाग, दुपट्टा,धोती, कुर्ता, मिथिला पेंटिंग, मखान सॅ अतिथिक स्वागत करैत अछि l अहिपन, मिथिला पेंटिंग आ पारंपरिक गीत सॅ सजल कार्यक्रम होयत अछि , जे समाज में अमिट छाप छोड़लक आ नवयुवक , नवयुवती के आकर्षित केलक l

2. मैथिल के समाज सॅ जोड़बाक प्रयास में सफल भेल l

बहुतो मैथिल सामाजिक संगठन सॅ दूर रहैत छलाह l हुनका लगैत छल जे मैथिलक संगठन सिर्फ चंदा वसूली आ मंच पर सम्मान तक सीमित छैक l ओ सभ एमवीपी के सामाजिक कार्य सॅ संतुष्ट भऽ संस्था के अपन भावनात्मक जुड़ाव देखेलानि आ संग अयलाह l

3. सैद्धांतिक मूल्य, नियम के पालन, कार्यक निरंतरता, पार्दर्शिता के मतलब यथार्थ भेल l

सैद्धांतिक मूल्य

  • समान विचारवाला व्यक्ति के संस्था सॅ जोड़ब मुख्य उद्देश्य l लेकिन कोनो मैथिल के जबरस्ती सदस्य नहि बनायब l
  • मैथिल संस्कृति के विरुद्ध काज करए वाला व्यक्ति के समर्थन नय करब आ नय लेब l
  • कोनो भी आन सामाजिक संगठन के चर्चा (निंदा) नय करब l सभ सामाजिक संगठन एक दोसर के सहयोगी संस्था के रूप काज करैत अछि l एमवीपी अहि बात के स्वीकारैत अछि l
  •  एमवीपी कोनो भी व्यक्ति सॅ  कंडीशनल डोनेशन स्वीकार नय करत l

  • कोनो राजनीतिक व्यक्ति संस्था के पदाधिकारी नई भऽ सकैत अछि l

  • एमवीपी पूर्ण रूप सॅ सामाजिक संगठन अछि आ हमेशा रहत l
  • प्रतिष्ठान के पदाधिकारी, कोर कमिटी सदस्य के फोटो, नाम कोनो बैनर पोस्टर पर नहीं रहत l

  • अनुशासन, नियम के पालन , केनाय सभ गोटे के नैतिक कर्तव्य l ओहि कर्तव्य के पालन नय केनाय स्वीकार नय होयत l

  • कोनो भी तरह के सुझाव , आलोचना सिर्फ कोर कमिटी के मीटिंग में राख के स्वतंत्रता सभ गोटे के अछि l  व्हाट्सअप पर राखब सर्वथा अनुचित व्यवहार होयत  l कोर कमेटी के मेजोरिटी सॅलेल  निर्णय के पालन केनाय कानूनी  बाध्यता l

  • समाज के जोड़व आ सहयोग करयवाला मैथिल के आगु आनब प्रतिष्ठान के लक्ष्य l
  • कोनो भी सदस्य के एमवीपी संस्था के मूल भावना के विरुद्ध  काज केनाय स्वीकार नय रहत l

  • संस्था कोनो व्यक्ति के दबाव में निर्णय नहीं लेत  l सभ व्यक्ति के योगदान लेल सम्मान सदिखन करत l

  • सिर्फ श्रेष्ठ मैथिल आ मैथिल मित्र कें संस्था वार्षिक कार्यक्रम / सांस्कृतिक कार्यक्रम मे सम्मान करत l जकर निर्णय गवर्निंग बॉडी आ कोर कमेटी में भेल रहत  l

  • प्रत्येक मैथिल के समाज सेवा कर के समान अवसर l कोनो भी मैथिल एमवीपी के कोर कमेटी में नियमानुसार आवि सकैत छथि l

  • एजीएम में प्रत्येक सदस्य के अपन बात राख लेल पूरा समय उपलब्ध l
  •  “संस्था सर्वोपरि” के सिद्धांत पर कार्य केलक !  व्यक्तिगत संबंध निर्णय लेबऽ में बाधक नहि बनल l
  • व्हाट्स अप मेंबर ग्रुप पर संस्था के अतिरिक्त मैसेज स्वीकार्य नहि अछि 1

मैथिल विकास प्रतिष्ठानक 5 वर्षक रिपोर्ट कार्ड

बहुतो मैथिल सामाजिक संगठन सॅ दूर रहैत छलाह l हुनका लगैत छल जे मैथिलक संगठन सिर्फ चंदा वसूली आ मंच पर सम्मान तक सीमित छैक l ओ सभ एमवीपी के सामाजिक कार्य सॅ संतुष्ट भऽ संस्था के अपन भावनात्मक जुड़ाव देखेलानि आ संग अयलाह l
  1. मिथिला भवन के लेल शंखनाद भव्य आयोजन भेल आ मिथिला भवन के लेल भूमि पूजन एवं शिलान्यास कार्यक्रम अद्भुत , ऐतिहासिक और अविस्मरणीय रूप सॅ सफलता पूर्वक संपन्न भेल l
  2. कॉर्पोरेटर, विधायक, सांसद , विधान परिषद सभापति, केंद्रीय मंत्री, मुख्यमंत्री तक पहुंच अपन बात राखऽ मे सफल भेल l
  3. महानगरपालिका प्रशासन, थाने जिला प्रशासन, सामान्य प्रशासन तक पहुंचल l
  4. देश – विदेश में मैथिल आ आन समाज में मैथिल विकास प्रतिष्ठान चर्चित भेल l

  5. नियमित रूप सॅ मिथिला संस्कृति पर आधारित उच्च कोटि के कैलेंडर केर प्रकाशन भेल ,  अखन तक  7500 कैलेंडर के निःशुल्क वितरण भेल अछि l

  6. नियमित रूप सॅ छात्र मार्गदर्शन एवं सम्मान, सहायता कार्यक्रम में एखन तक 2500 सॅ अधिक विद्यार्थी शामिल भेल अछि l लगभग 50 विद्यार्थी कें आर्थिक सहयोग राशि, लगभग 20 विद्यार्थी कें लैपटॉप /कंप्यूटर,  200 विद्यार्थी कें पठन – सामग्री के वितरण कयल गेल अछि l

  7. स्वास्थ्य शिविर एवं सहायता लगभग 7 वर्ष में 2400 व्यक्ति मेडिकल कैंप में शामिल भऽ लाभ लेलनि l

  8. कोरोना काल में 24 X 7 मेडिकल सलाह आ लगभग 100  मैथिल के पूरा परिवार लेल एक महीना के राशन कीट के वितरण भेल l

  9. वरिष्ठ नागरिक कें सम्मान

  10. पूर्णतया मिथिला संस्कृति पर आधारित सांस्कृतिक कार्यक्रम, अहिपन प्रतियोगिता … मैथिल परिधान, मैथिल चित्रकला, मिथिला पेंटिंग, मिथिला खानपान के प्रदर्शनी के लेल काज भेल l

  11. निम्नलिखित वैधानिक सर्टिफिकेट प्राप्त भेल l
    1. सोसायटी पंजीयन अधिनियम 1860
    2. मुम्बई चैरिटेबल ट्रस्ट अधिनियम 1950
    3. बिहार फाउंडेशन रजिस्ट्रेशन
    4. पैन कार्ड
    5. आयकर अधिनियमक धारा  12A
    6. आयकर अधिनियमक धारा  80G
    7. एन. जी. ओ. दर्पण, नीति आयोग, भारत सरकार
    8. C.S.R. ( Ministry of Corporate affairs , Office of the Registrar of Company,  Government of India )
    9. ISO certificate application is in progress.
  12. सदस्य के लेल परिचय पत्र देल गेल l
  13. नियमित रूप सॅ एनुअल रिपोर्ट के प्रकाशन भेल  l
  14. नियमित रूप सॅ कोर कमेटी मीटिंग और एजीएम मीटिंग भेल l
  15. वेबसाईट के संग अन्य सोशल मीडिया प्लेटफार्म  युटुब चैनल , फेस बुक, ईमेल , ईटीसी बनल ।
  16. पूरा मुंबई , उपनगर एवं देश के विभिन्न जगह एवं पूरा मिथिला में एमवीपी के चर्चा भेल l
  17. नियमित रूप सॅ इनकम टैक्स लॉ , सोसायटी लाॅ, ट्रस्ट लॉ कम्पलाइंस भेल  l

  18. प्रिंट मीडिया मैथिल विकास प्रतिष्ठान के न्यूज़ नवभारत, नव भारत टाइम्स, सामना , समभावदूत , 

    लक्षधारी, दैनिक भास्कर,  मैथिल पुनर्जागरण प्रकाश, हिंद सागर, भायंदर सत्ता ,  लोकतंत्र की बुनियाद, मिथिला दर्पण, मराठी न्यूज पेपर  में “मैथिल विकास प्रतिष्ठान” द्वारा    आयोजित कार्यक्रम प्रमुखता सॅ छापल गेल  l
  19. व्हाट्सअप ग्रुप और सोशल मीडिया के अधिकतम उपयोग भेल l
  20. उज्ज्वल भारत न्यूज पार्टनर के रूप मे काज करैत अछि 
  21. भक्तिलोक हॉस्पिटल सॅ सदस्य लेल विशेष छूट लेल अग्रीमेंट पर हस्ताक्षर भेल  l

  22. आचार्य नरेंद्र देव विद्यामंदिर बोरीवली  and other  कॉलेज में 5 विद्यार्थी के एडमिशन  के घोषणा भेल ।

मैथिल विकास प्रतिष्ठानक ग्रोथ , प्रगति आ सफलता के तरफ अग्रसर

ग्रोथ
मैथिल विकास प्रतिष्ठान पिछला 5 वर्ष में 600 फैमिली कें संस्था सॅ जोड़लक आ हजारों मैथिल फैमिली तक कार्यक्रम आ सोशल मीडिया , प्रिंट मीडिया के माध्यम सॅ अपन बात पहुंचेलक l अहि तरह गतिशील संगठन बनल ।
प्रगति
संस्था दिन – प्रतिदिन नव – नव काज कऽ रहल अछि ! मिथिला भवन के भूमि पूजन तक के सफल यात्रा प्रगति के द्योतक अछि l
सफल संगठन
हम सब गोटे सफलता के सीढ़ी चढ़नाय शुरू केलौं l बहुत किछु जरूरी छैक सफल होबऽ लेल….. सबसे पहिने हम सभ शालीनता, विचार में समानता, एथिक्स, त्याग, नियम के पालन, दान देबऽ के पवित्र – भावना, बिना कोनो व्यक्तिगत इच्छा के खूब मेहनत, जखन संस्था लेल पूर्ण समर्पण परिस्थिति में भाषाक तथा व्यवहारक मर्यादा केर संग काज करब तहन जा कय हमर संगठन सफल संगठन बनत l
आभार एवं कृतज्ञता
डॉक्टर मोहन झा, पंडित गौरीकांत झा, निलेश झा, रामसुंदर झा, भावेश झा, प्रकाश चौधरी, विपिन झा, रिंकी पांडेय, प्रमिल झा, मोद नारायण झा, प्रशांत सिंह, अमित झा , श्रवण झा आशीष सिंह , नवीन पाठक 5 वर्ष सॅ संस्था के संग तटस्थ रहैत सहयोग करैत रहलाह l संस्था के सामुहिक निर्णय में दृढ़ताक संग ठाढ़ रहलाह l अहाँ सभ गोटे के आभार l वर्तमान समय में लंबा अवधि के योजनाक संग भालचंद्र झाजी, ललन झाजी, वंदना मिश्रा जी, साधना झा जी, वीरेंद्र झाजी, सतीश झा शेखर सिंह जी, राघवेंद्र मिश्रजी, अमित अमरनाथ झाजी, गोविंद चौधरी काज कऽ रहल छथि l अहुं सभ गोटे के बहुत बहुत आभार l जतेक गोटे सस्थापक गवर्निग या कोर सदस्य के रूप एमवीपी के अपन योगदान देलियई आ आगा भी कोनो ने कोनो रूप स देबई अहि बात के हमरा पूरा भरोसा अई। सभ गोटे के बहुत बहुत आभार।
अहां सभ गोटे सॅ आग्रह कि अपन बहुमूल्य सुझावक संग सहयोग दी संस्था लेल समय जरूर दी – जाहि सॅ प्रतिष्ठान समस्त मिथिला समाज केर आकांक्षा के पूरा कऽ सकय l
एमवीपी केर सपना अखन अधूरा अछि , ओकरा सभ मिलि पूरा करब l हम नव पदाधिकारी के तन – मन आ धन सॅ सहयोग करब l एक बेर पुनः अपने सभ गोटे आओर समस्त मैथिल समाज के समर्थन, सहयोग आ उत्साहवर्धन लेल कोटि कोटि नमन आ आभार l
जय मां जानकी। जय मिथिला। जय मैथिल । जय महाराष्ट्र । जय हिंद ।

आमोद कुमार झा,

अध्यक्ष- मैथिल विकास प्रतिष्ठान